CAGAYAN DE ORO CITY – Dul-an 60 ka tawo ang malmpusong nakuhaan sa dugo sa gipahigayong Dugong Bombo “New Normal” Blood Letting Project sa Bombo Radyo Philippines, in partnership sa City Government, City Health Office ug Philippine Red Cross sa Brgy Macabalan sa kaganina sa udto.
Subay sa labing ulahing report mukabat sa 75 ka tawo ang mibisita sa venue sa tinguha nga makuhaan sa dugo, apan 16 niini ang nadisqualified.
Labi-labi ang pasalamat sa Bombo Radyo sa tanan nagsuporta sa matag Sabado nga blood letting project sa istasyon taliwala nga nag-atubang ang nasud sa COVID-19 crisis.
Kini nga proyekto, kabahin sa corporate social responsibility kon CSR sa Network aron matabangan ang sektor nga grabeng nanginahanglan sa dugo.
Atangi ang sunod blood letting project sa Brgy Carmen ning syudad karong Agosto 15.
Hisayran nga sulod sa tulo ka Sabado nga pagpahigayon sa blood letting gikan sa Brgy.40 ug Brgy. Puntod, dul-an 200 na ka tawo ang nagdonar sa ilang dugo.
Subli, daghang salamat mga KA BOMBO!!!!
