CAGAYAN DE ORO CITY – Nagtoo ang kapolisan nga may dakong kasuko ang suspek nga mipusil sa mag-uuma sa Purok Santa Rita, Salawagan, Quezon,Bukidnon.
Kini human walo ka bala sa kalibre 45 ang gilubong sa lawas sa biktima nga si Anecito Guevara, 58-anyos diin nagresulta sa kamatayon niini.
Gibutyag ni Quezon Police Station commander Maj Mitchell Clemencio nga posibleng bangi sa yuta ang motibo sa krimen.
Apan gipalawman pa nila ang gihimong imbestigasyon aron maila ang matuod nga responsable.
