CAGAYAN DE ORO CITY – Gihagit ni kanhi Taglimao Brgy Kap William Guillani nga pakit-on siya’g lig-ong mga ebedensiya nga siya ang utok sa kamatayon sa negosyanteng si Carlos Lam diha sa Brgy Canitoan ning syudad sa miaging Hulyo 2020.
Gihimo ni Guillani ang hagit tungod sa kasong murder ug frustrated murder nga giatubang niini sa piskalya nunot sa kamatayon ni Lam.
Miingon si Guillani nga andam kining magpabilanggo kon tinud-anay nga may basehan nga magtumbok kaniya sa pagpusil-patay kang Lam sa miaging Hulyo 18 ning tuiga.
Samtang gidepensa sa Cagayan de Oro City Police Office o COCPO ang ilang pagtudlo kang Guillani nga suspek sa kamatayon ni Lam.
Gihimo ni COCPO spokesperson Maj Evan Vinas ang pag-esplikar tungod sa pasangil nga giduot lamang nila si Guillane aron dunay kasuhan sa nahitabo kang Lam.
Miingon si Vinias nga obligasyon usab nila nga panalipdan ang ilang mga testigo nga nagtudlo kang Guillani nga usa sa mga suspek sa kremin.
