CAGAYAN DE ORO CITY – Giakusahan si kanhi Taglimao Brgy Kap William Guillani ang Cagayan de Oro City Police Office o COCPO nga nagpagamit sa politika aron siya maduot sa kamatayon sa negosyante nga si Carlos Lam ning syudad.
Kini human nagduda si Guillani nga nanginlabot si City Mayor Oscar Moreno aron kasuhan siya sa kapolisan sa pagpusil-patay kang Lam sa Brgy Canitoan sa syudad sa miaging Hulyo ning tuiga.
Samtang gihagit ni Guillani ang COCPO nga apilon ang ubang anggulo sa kremin ug dili lamang makapukos kaniya nga nagsunod lamang sa balaod.
Sa pikas bahin,gipahimangkak sa COCPO nga may kalabutan si Moreno sa kasong murder nga napasaka batok kang Guillani sa piskalya sa syudad.
Miingon si COCPO spokesperson Maj Evan Vinias nga nakasubay sa mga ebedensiya ang pagkaso nila kang Guillani.
Una niini,nagbaton sa mga testigo ang PNP nga nagtudlo kang Guillani nga giingong may kalabutan sa kamatayon Lam niadtong Hulyo 18 ning tuiga.
Dugtong usab niini,dili gusto si Moreno nga manginlabot sa trabaho sa kapolisan nga pagsulbad sa kamatayon ni Lam ning syudad.
Kini human pasanginli si Moreno nga nag-impluwensiya aron iduot ang iyang kontra sa politika na si Guillani sa pagkamatay ni Lam.
Namahayag ang mayor nga wala siya masayod sa partisipasyon ni Guillani hinungdan maglisod kini’g komento sa kaso.
