CAGAYAN DE ORO CITY – Naglibog ang mga pulis sa motibo sa 55-anyos nga pintor nga nagkutlo sa iyang kaugalingong kinabuhi sa Brgy Gusa ning syudad.
Giila ang biktima nga si Dizon Ylla nhga molopyo sa maong dapit.
Gibutyag ni Capt. Julius Saluta, hepe sa Agora Police Station nga base sa ilang inisyal nga pag imbestiga, walay foul ang kamatayon sa biktima ug wala usay mabutyag ang kabanay niini nga posibleng rason sa pagpakamatay.
Gibutyag ni Saluta nga posibleng duha na kaadlaw’ng patay ang biktima dihang nadiskubre kining nagbitay sa iyang pinuy-anan gamit ang pisi tungod sa may lain na kining baho.
