CAGAYAN DE ORO CITY – Mismo na ang BJMP-Manila ang miimbestigar batok sa ilang tulo ka personahe nga akusado sa pagpakita’g armas ngadto sa medical technologists samtang gikuhaa’g swab sampling sa city isolation unit o CIU sa syudad.
Miingon si BJMP-10 spokesperson Jail Officer 3 Orly Montalban nga tuyo nila nga mahatagan sa hustisya ang maong health frontliners kon ugaling sad-an ang ilang tulo ka kauban nga gilabay na laing jail facility sa Lanao del Norte.
Una nang nangayo’g pasaylo ang kadagkuan sa BJMP kang City Mayor Oscar Moreno tungod sa dakong kaulawon nga nahatag sa maong hitabo.
Hisayrang nanganti ang mayor nga dili palabyon ang dili maayong binuhatan sa maong mga personahe sa BJMP.
