CAGAYAN DE ORO CITY – Gikasubo sa Roads and Traffic Administration o RTA ang pagkadakpan sa laing nila nga pesonahe tungod sa pagpayuhot sa ilegal nga droga sa Brgy Kauswagan ning syudad.
Gibutyag ni RTA spokesperson James Andrade nga wala sila magtoo nga drug pusher ang ilang kauban nga si Christian Zafra, 30 anyos nga taga-Tomas Saco Street,Brgy Nazareth hinungdan gikakurat nila ang hitabo.
Si Zafra gidakop sa NBI-10 pinaagi sa buy bust operation diin nakuhaan sa 50-mil pesos nga balor sa gitoohang shabu kagahapong adlawa.
Samtang dili duphan ni City Mayor Oscar Moreno ang aktibong sakop sa Roads and Traffic Administration enforcer nga nasikop sa NBI-10 nga nagpayuhot sa ilegal nga droga sa syudad.
Kini human gisikop sa NBI-10 si Christian Zafra, 30 anyos nga taga-Tomas Saco Street,Brgy Nazareth ning syudad.
Miingon si Moreno nga gitahasan niya ang kadagkuan sa RTA nga imbestigaron ang suspek aron manubag kon makit-ang sad-an.
Dumduman nga dili kini ang una apan daghan nang higayon nga may pipila ka personahe sa RTA ang nangatangtang sa trabaho tungod sa kalambigitan sa ilegal nga droga ning syudad.
