CAGAYAN DE ORO CITY – Gibaharan sa Criminal Investigation and Detection Group o CIDG-10 ang mga tawong nalambigit sa ilegal nga pag-refill sa Liquefied Petroleum Gas o LPG.
Gihimo ni CIDG-10 regional director Lt. Col. Choli Jun Caduyac human ilang nasikop ang duha ka suspek sa illegal LPG refilling operation diha sa Brgy. Igpi, Opol, Misamis Oriental.
Naila ang mga dinakpan nga sila si Alauro Romafe ug Gerry Apus, pulos residente sa maong lugar.
Nakompiskar sa CIDG sa ilang entrapment operation ang 50 ka bu-ok sa 11kg LPG cylinders, duha ka 2.7 kg power kalan cylinders, 48 ka tampered PGI security seals, improvised decanting hoses, weighing scale ug Suzuki mini pick-up nga giingong ilang gigamit sa pag-transport sa illegal LPG products.
Kasong pagsupak sa RA 5700 ug RA 8293 ang ilang ipasaka batok sa mga suspek.
