CAGAYAN DE ORO CITY – Patay ang usa ka 19 anyos nga ulitawo human magdula sa granada kuyog sa iyang duha ka classmates nga mga senior high samtang nangaligo sa suba sa Purok 5 ,Brgy Lumban,Tangub City,Misamis Occidental kagahapon sa hapon.
Giila ni Tangub City Police Station Deputy Chief of Police Lt. Al Rhafat Itom Sapie ang namatay nga biktima nga si Mark Bryan Labuga Macadildig samtang kritikal ang kahimtang ni Marjun Lasagas Ligado, 19 tungod sa igo sa iyang bukton ug mi-angkon lang sa slight injuries ang usa pa ka kauban niini nga si Roden Macano Gomistil, 20 anyos, pulos residente sa maong lugar.
Gisaysay ni Sapie gikan pa kono nakuman ug tubag sa modules ang mga biktima sa wala nangaligo’g suba.Kalit mibuto ang granada tungod sa pagkaibot sa safety pin hinungdan sa dugu-ong hitabo.
Nakasaysay pa ang victim survivors nga sa unang higayon wala kini mibusikad ang granada busa gikampa kini ni Macadildig ug kalit nga mibusikad sa iyang lawas.
Hisayran nga dili na mabuksan sa pamilya sa namatay ang lungon sa biktima tungod sa katunga na lamang sa lawas niini ang mabutang sa lungon.
