CAGAYAN DE ORO CITY – Narekober sa kapolisan ang patay’ng lawas sa gitoohang sakop sa rebeldeng New People’s Army o NPA sa Purok 6, Brgy Pelaez,Gitagum,Misamis Oriental.
Kini human biya-i sa mga misibat nga mga rebelde ang ilang kauban nga unang naigo sa pakig-engkuwentro sa kapolisan niadtong adlaw’ng Lunes.
Gibutyag ni Misamis Oriental PNP Director Col Raniel Valones nga ang patay’ng lawas sa maong rebelde ang kasamtangang nakahaya sa usa sa mga punerarya sa maong lungsod.
Samtang gikompirmar usab niini nga anaa na sa luwas nga kahimtang ang ilang kaubang pulis nga naigo sa pag-ambush sa mga rebelde nga unang nag-recruit sa mga sibilyan sa maong lugar.Una nang nakabawit ang 500 ka residente tungod sa pag-ulbo sa engkuwentro.
