CAGAYAN DE ORO CITY – Nadakpan sa PNP ang laing sakop sa rebeldeng New People’s Army nga ilang gika-engkuwentro sa lungsod sa Gitagum,Misamis Oriental.
Kini human nasiplatan sa mga sibilyan ang presensiya sa tulo ka rebelde nga nagtagu-tago sa lungsod sa Initao sa lalawigan kagahapon sa buntag.
Miingon si MisOr PNP Director Col Raniel Valones nga gipangpusil pa sa mga rebelde ang iyang mga pulis apan nalukong ang usa niini hinungdan nadakpan.
Nadiskobre nga 15 sila ka rebelde nga misulod sa lungsod sa Gitagum aron mohimo’g pagpang-recruit sa sa mga sibilyan apan nasugaw sa PNP sa sugod niadtong adlaw’ng Domingo.
Dumduman nga may napatay nga rebelde samtang usa usab ka pulis ang samaron sa engkuwentro sa maong lungsod.
