CAGAYAN DE ORO CITY – Kasuha’g murder sa kapolisan ang suspek nga midunggab-patay sa diser diha sa Zone 1,Upper Balulang sa syudad.
Kini human boluntaryo mitahan ang suspek nga si Johnriel Ellarina,21 anyos nga taga-Brgy Puntod tungod sa duha ka igo dinunggaban sa li-og si Jonriel Coronel,27 anyos,may kaipon nga lumad taga-Kolambogan,Lanao del Norte.
Gibutyag ni Carmen Police Station commander Maj Peter Tajor nga nakumbinsi ang suspek sa pamilya nga motahan ug atubangon ang salaod nga nahimo.
Miingon si Tajor nga love triangle ang rason sa hitabo kay giingong may nahitabo na makadaghang higayon tali ni Coronel ug sa kapikas ni Ellarina.
Una usab niini,namugos ang suspek nga nahinaykan niya’g dunggab ang biktima kay giunhan siya’g dunggab niini sa ilang pagpanagkita kagahapon sa buntag.
