CAGAYAN DE ORO CITY – Gisilotan sa pagkabilanggo si kanhi USTP Prof.Architect Rey Galua tungod sa kasong illegal possesion of firearms ug explosives sa korte ning syudad.
Kini human unang nakuhaan sa armas ug granada si Galua dihang na-ronda sa CIDG-10 ang iyang pinuy-anan sa dakbayan sa miaging katuigan.
Gibutyag ni Regional State Prosecutor Merlynn Uy nga mahimo pang maapelar sa kampo ni Galua ang hukom sa korte apan angay may bag-o usab kining mga argumento o ebedensiya.
Si Galua ang unang namugos nga planted lamang sa CIDG ang maong mga ebedensiya nga nakuha gikan kaniya.
Si Galua usab ang gitudlo kaniadto sa mga otoridad nga person of interest sa pagpusil-patay kang late USTP Pres Ricardo Rotoras tungod sa ilang wala pagsinabot sa katukuran sa multi-million building sulod sa maong tunghaan diha sa Brgy Lapasan ning syudad.
