CAGAYAN DE ORO CITY – Kasuhan sa kapolisan sa pagsupak sa anti-cybercrime related laws ang giingong sakop sa 3rd sex nga nagpatoo nga babaye ug mi-blackmail sa usa ka lalaki kon dili mosugot nga maghilawas sila sulod sa hotel sa Corrales Avenue ning syudad.
Giila ni Lt Ricky Vacalares sa PNP Anti-Cybercrime Unit 10 ang suspek nga si John Rey Dy,legal ang edad ug nagpuyo sa lungsod sa Laguindingan,Misamis Oriental.
Gibutyag ni Vacalares nga nagpatabang ang biktima nga si JK Fernandez tungod sa bahad nga e-upload sa internet ang iyang pag-masturbate nga resulta sa ilang video call sex kon dili sila maghilawas sulod sa hotel.
Una niini,giangkon sa biktima nga natintal siya nga tumpangan ang suspek kay migamit kini sa pangalan sa babaye diin makita ang mga maanyag nga mga hulagway sa facebook account hinungdan nakahimo siya’g masturbation.
Samtang nagdumili paghatag komento ang suspek sa iyang gidangatan.
Bugtong nasulti niini sa iyang inahan dihang gitugtan maka-estortya sa mga pulis pinaagi sa telepono nga luwason kini ug dili magsaba-saba aron walay makabalo nga ilang mga silingan.
