CAGAYAN DE ORO CITY – Kasuhan na ning adlawa sa pagsupak sa RA 9165 o Comprehensive Dangerous Drugs Act of 2002 ang taxi driver nga nakuhaag 884-mil nga balor sa gituohang shabu gawas sa usa ka dakong mall sa CM Recto ning syudad.
Gibutyag ni Lumbia Police Station commander Major Aldren Baculio nga gikan sa Iligan City ang source sa shabu sa suspek nga si Jessy Banac, 28, minyo residente sa Brgy. Macabalan sa syudad.
Dugang ni Baculio nga sa halos duha kabulan nilang pag monitor, nasayran nga gabaligya ang suspek sa illegal nga droga sa Misamis Oriental ug dinhi sa syudad.
