CAGAYAN DE ORO CITY – Mag-atubang sa kasong pagsupak sa RA 7610 o Child Abuse ang magtiayon nga giingong nagsulod sa sako sa ilang kaugalingong anak sa Sitio Lomboy Brgy Indahag ning syudad.
Gibutyag ni Cogon Police Station commander Capt. Ernesto Sanchez nga nasuko ang mga suspek sa ilang anak tungod sa pag gunting sa bata sa ilang tanom nga Bonsai.
Matud ni Sachez nga may nadawat usab sila nga report nga nalambigit ang mga suspek sa pagpayuhot sa illegal nga droga.
Una niini,gi-hostage sa suspek ang bata hinungdan nakahatag alarma sa mga silingan ug nag-report sa mga pulis sa dakbayan.
