CAGAYAN DE ORO CITY – Gikonsiderar sa PNP nga sulbad na ang kasong pagdunggab-patay sa nurse nga sakop sa LGBT community sulod sa lodging house sa Valencia City,Bukidnon ning semanaha lamang.
Kini human nadakpan sa kapolisan ang usa sa duha ka suspek nga responsable sa kamatayon ni Soriano Moreno,35 anyos nga lumad nga taga-Zamboanga Sibugay ug natrabaho sa govt hospital sa Bukidnon.
Gibutyag ni Valencia City Police Station commander Lt Col Cipriano Bazar Jr nga maoy naaresto si Jason Siñolay Jamero,20 anyos,laborer ug nagpuyo sa Purok 9,Candelaria,San Fernando,Bukidnon.
Gibutyag ni Bazar nga dunay wala pagsinabot tali sa biktima ug mga suspek samtang may nahitabo nga paghilawas hinungdan sa pagpanunggab.
Narekober gikan sa suspek ang kabtangan sa biktima ug walo ka lain-laing flavors sa condom gikan kang Jamero.
