CAGAYAN DE ORO CITY- Gisaksihan ni Police Regional Office 10 Dircetor Brig Gen Rolando Anduyan ang turn-over of command tali sa outgoing ug incoming provincial director sa Bukidnon Provincial Police Office kaganihang buntag.
Kini human e-relib si Col Roel Lami-ing ug mipuli si Col Jun Mark Lagare kinsa kanhi hepe sa Regional Intelligence Division sa Camp Alagar ning syudad.
Samtang si Lami-ing ang kasamtangan una nga mo-report sa Regional Personnel Holding and Accounting Unit o RPHAU sa Camp Alagar ug maghulat sa bag-ong tahas nga ihatag kaniya.
Gipasalamatan ni Anduyan ang pagpangulo ni Lami-ing sa Bukidnon PNP ug gihagit si Lagare nga ipadayon ang mga programa nga kasamtangang gipahigayon sa maong probinsya.
Dili pa klaro kon ang pagbalhin kang Lami-ing ang tungod ba sa sunod-sunod nga kasong pagpamatay sa Bukidnon nga gilakipan sa usa ka pari ug abogado sulod lamang ning bulana.
