CAGAYAN DE ORO CITY – Patay ang duha ka motorista sa magkalahing ngilngig nga aksidente sa dalan sa Brgy F.S.Catanico ug Brgy Tablon sa syudad.
Giila ni Cugman Police Station traffic investigator Sr Master Sgt Ryan Sevilleno ang unang biktima nga si Fresco Antiquisa,hingkod ang panuigon,minyo samtang ang nakabangga mao si Boy Benzer,28 anyos,minyo nga pulos nagpuyo sa maong lugar.
Gibutyag ni Sevilleno nga nga paliko unta ang motorsiklo dihang nabanggaan sa tricab nga gimaneho ni Benzer hinungdan sa aksidente.
Samtang dead on arrival usab sa ospital si Ryan Jay Eduria nga mibangga sa truck nga gimaneho ni Nilo Monares diha sa Brgy Tablon ning syudad.
Miingon si Sevilleno nga nakurat na lamang si Monares nga dunay milagubo sa iyang trak samtang paliko padulong sa Abas Farm kagabii.
Detinado na si Monares ingo man si Benzer ug gihulat na lamang ang hukom sa matag-pamilya sa mga biktima nga maong aksidente kagahapong adlawa.
