CAGAYAN DE ORO CITY – Walay foul play sa kamatayon sa duha ka magsoon ug ig-agaw nga pulos menor de edad samtang dungan nalumos sa kantilado nga bahin sa Zone 4,Brgy Tubajon,Laguindingan,Misamis Oriental.
Kini human mismo amahan ug ubang mananagat ang nakasaksi kon naunsa pagkalumos ang mga biktima nga sila si Zedrick,11 anyos; John Dave Buntod,12 anyos ug Sylvester Russel Monton,13 anyos nga nagpuyo sa Bgry Cogon,Gitagum sa dihang nangaligo sa dagat sa miaging adlaw.
Gibutyag ni Laguindingan Police Station commander Maj Edgardo Baledo nga unang ‘namana’g isda si Remy Buntod samtang nangaligo usab ang mga biktima sa babayon nga bahin sa dagat.
Gilayong gidala sa brgy officials sa ospital ang mga biktima apan wala na maluwas sa mga doktor gikan sa panghitabo.
