CAGAYAN DE ORO CITY – Patay nang napalgan ang lawas ni Marvin Jepsy Andres, 17 anyos, grade 10 student nga molopyo sa Zone 9, Macanhan, Brgy Carmen sa syudad.
Kini human unang naligo kuyog sa mga barkada ug nalumos ang biktima sa Cagayan de Oro River sa miaging adlaw.
Napalgan ang biktima sa baybayon na nga bahin sa Zone 1, Nabulod,Brgy Baluarte,Tagoloan,Misamis Oriental.
Una niini,magpila ka adlaw nga mipangita sa Oro Rescue ug Philippine Coast Guard ang biktima apan pakyas nila kining makit-an sa suba ning syudad.
