CAGAYAN DE ORO CITY – Sulbad na alang sa kapolisan ang kasong pagpusil-patay sa abogado nga kanhi nalakip sa giingong druglist ni Pres Rodrigo Duterte sa Brgy 10,Malaybalay City,Bukidnon niadtong Enero 14 ning tuiga.
Kini human gitudlo sa pipila ka testigo nga ang giingong lider sa Talisik Criminal Gang nga si Marlon Talisik ang mipusil-patay sa biktima nga si Atty Winston Intong sa maong lugar.
Gibutyag ni Malaybalay City Police Station commander Lt Col Jerry Tambis nga gikasuhan nila sa murder si Talisik tungod sa hitabo.
Miingon si Tambis nga gipatay si Intong tungod sa motibong pagdumot apan nagdumili kini pagbutyag kon unsay pinakahinungdan sa kremin.
