CAGAYAN DE ORO CITY – Mag-atubang sa kasong reckless imprudence resulting into multiple homicide ug multiple physical injuries ang driver sa Mitsubishi Strada nga may plate no. KAA 4376 sa Purok 1, Upper Sagadan, Baroy, Lanao del Norte.
Kini kon dili ma-settle sa tag-iya nga si Gideon Jumawan Miyas ang obligasyon sa iyang driver nga si Joseph de Padua Miyas nga nakabangga-patay sa tulo ka batan-on ug laing duha samaron sa maong lugar.
Gibutyag ni Police Regional Office 10 spokesperson Capt Francisco Sabud nga gihulat nila ang opisyal nga report sa Baroy PNP kabahin sa imbestigasyon sa maong kaso.
Una nang mibangga sa poste sa koryente ang strada hinungdang namatay sila si Rionel Paler,Ashley Lumosad ug John Abbey Micutuan nga pulos nagpuyo sa lugar.
Samtang samaron sila si John Michael Verallo,Riza Mae de Asis Abella,Renew Maxinne Pinto Jimenez,Cariril Alexis Micutuan, Princess Calamohoy Grand ug mismo si Joseph epekto sa aksidente.
