CAGAYAN DE ORO CITY – Patay ang misyonaryong paring Katoliko ug laing babaye sa dugu-ong bangga tai sa bao-bao ug Toyota Innova sa national highway sa Purok 1, Brgy Loguilo, Alubijid, Misamis Oriental.
Giila ni Alubijid Police Station commander Capt Lister Ceriales ang mga biktima nga si Fr Ike Jumao-as,39 anyos nga lumad taga-Brgy Napaliran,Balingasag ug si Angelina Sabellina,56 anyos nga nakasakay sa tricab nga gimaneho ni Jessie Sabellina.
Miignon si Ceriales nga pulos padulong sa Iligan City ang direction sa mga biktima sa dihang kalit miliko ang bao-bao hinungdan nabanggan sa innova nga gimaneho ni Majid Cabughatan nga taga-Marawi City.
Dead on the spot ang mga biktima samtang nadala sa ospital si Jessie ug detinado sa prisohan si Cabughatan.
Samtang nagkalisod sa pag-kontrol si Cabughatan hinungdan nga natigayon ang dugu-o nga aksidente nga gikmatay sa pari ug babaye sa Alubijid,Misamis Oriental.
Kini ang depensa ni Cabughatan sa dihang mi-U turn ang tricab diin siya nagbaton sa ensakto nga dagan sa gimanehong sakyanan.
Miingon ang suspek kinsa kasuhanan sa reckless imprudence resulting into double homicide ug damage to property nga andam sila mobayad kon makig-ammicable settlement ang panig sa mga biktima.
