CAGAYAN DE ORO CITY – Nadakpan sa mga operatiba sa Regional Drugs Enforcement Unit-10 ang bigtime suspected drug pusher nga nagsilbi usab nga hospital ward man diha sa Kauswagan ning syudad.
Giila ni RDEU chief Maj Allan Oniana ang suspek nga si Ryan Navarro,30 anyos,minyo nga residente sa Zone 1,Brgy Bulua sa dakbayan.
Gibutyag ni Oniana nga subay sa ilang background checking sa suspek,giingong dunay direktang kontak sulod sa Lumbia City Jail si Navarro hinungdan nagbaton kini sa dinagko nga suplay ilegal nga droga.
Una nang napalitan sa sachet sa gitoohang shabu si Navarro ug nakuhaan usab kini sa duha ka dagkong putos nga nagkantidad sa sobra 400-mil pesos.
Dugang ni Oniana nga nagsilbi usab nga shabu supplier si Navarro sa mga parokyano gikan sa kalungsuran sa esteng bahin sa Misamis Oriental.
