CAGAYAN DE ORO CITY – Detinado sa kapolisan ang aktibong municipal councilor nga nakabangga-patay sa babaye ug laing tulo ang samaron sa Purok 10, Barangay San Vicente,Baungon,Bukidnon.
Kini human nawad-an sa kontrol ang gimaneho nga Nissan Navarra ni Kag Antonio Bejaren ug mibangga sa mga biktima kagahapon sa buntag.
Gibutyag ni Bukidnon Provincial Police Office spokesperson Maj Jisselle Longgakit nga giila ang namatay nga si Jessalyn Huntalan,30 anyos samtang ang usa ka tuig nga si Annabel Mamahon; Suciana Mamahon ug Melyn Mamahon nga gidala sa nagkadaiyang ospital dinhi sa syudad.
Dili usab makompirmar ni Longgakit ang report nga kalit na-atake sa kasingkasing si Bejaren hinungdang nakabangga padulong sa mga biktima.
