CAGAYAN DE ORO CITY – Wala wad-a sa kapolisan ang anggulo sa inside job sa pagkalunggab sa rural bank nga nahimutang sa sentro sa lungsod sa Kibawe,Bukidnon.
Kini human lunggab sa wala matino nga ihap sa mga suspek rason makuha ang 1.3 milyon pesos nga salaping cash gikan sa Kibawe Rural Bank sa maong lungsod.
Gibutyag ni Lt Ruel Literatus sa Kibawe Police Station nga gilungkab sa mga suspek ang kilid nga pultahan sa bangko hinungdang nakasulod ug gihurot pagkuha ang salapi nga gibutang sa ‘vault.
Nasuta nga walay CCTV camera ug mga sekyu nga nagbantay sa maong bangko sulod na sa napulo ka tuig.
Nadiskobre usab ang laing balor 900-mil nga salaping cash nga gisulod sa bag nga pakyas madala sa mga tulisan.
