CAGAYAN DE ORO CITY – Ipatangtang ni Police Regional Office 10 Dir Brig Gen Rolando Anduyan ang mga pulis nga nakaapil sa dugu-ong anti-illegal drugs operation nga gikamatay sa suspek nga si Pol Estañol sa Purok 4,Barangay Batangan,Valencia City,Bukidnon.
Kini human dismayado si Anduyan sa nag-viral video ni late Cpl Benzon Gonzales nga mikuha’g kalibre 38 nga armas nga gipabuto sa tulo ka higayon ayha gibutang sa kilid sa patay’ng lawas ni Estañol niadtong Pebrero 20 ning tuiga.
Gibutyag ni Anduyan nga gihulat niya ang official report sa PNP’s Internal Affairs Service aron madis-armahan na ang maong mga pulis ug mabutang sa holding unit sa Camp Alagar ning syudad.
Hisayrang una nang mi-esplikar ang Valencia City nga nabuhat kadto ni Gonzales kay giingong nadala sa iyang emosyon apan sulti sa heneral nga angay mag-pokus lamang sa ensakto nga operasyon eron walay masudlan nga kompromiso.
