CAGAYAN DE ORO CITY – Patay ang 3-anyos nga bata human malumos sa swimming pool sulod sa Country Village Hotel sa Brgy Carmen ning syudad.
Gibutyag ni Carmen Police Station commander Maj Peter Tajor nga mitambong sa birthday party ug wala mabantayi ang bata nga naligo sa swimming pool gumikan kay nakainom ang amahan niini.
Miingon si Tajor nga nadala pa sa ospital ang biktima apan gideklara sa mga doktor nga dead on arrival.
Una nang wala modangop sa buhatan sa kapolisan ang tagtungod sa biktima apan igo na lamang nahibaw-an nga nadala na kini sa puneraya sa miaging adlaw.
Samtang abli ang mga mikropono sa Bombo Radyo aron mohatag panig ang tigdumala sa maong hotel ning syudad.
