CAGAYAN DE ORO CITY – Dili konsentihon ni City Mayor Oscar Moreno ang iyang empleyado sa city hall nga nadakpan tungod sa pagbaton sa ilegal nga droga ug walay dokumento nga armas sa Yacapin Street,Brgy 29 ning syudad miaging semana.
Kini human nabawia’g 50 gramos sa gitoohang shabu ug armas si Dhiel Galve,42 anyos,minyo,electrical inspector sa Office of the Building Official ug nagpuyo sa Brgy. Dumarait, Balingasag, Misamis Oriental.
Miingon si Moreno nga atubangon ni Galve ang kaso ug magsilbi usab kining pahimangno sa ubang mga empleyado nga nalambigit sa ilegal nga droga.
Una niini,kabahin sa nasikop si Juavie Bauda, 45 anyos, minyo nga taga Brgy. Consolacion ning syudad.
