CAGAYAN DE ORO CITY – Nakasuhan na sa kapolisan ang mga suspek nga responsable nga mipusil Customs deputy collector for assessment Arthur Sevilla Jr sulod sa iyang pinuy-anan sa Brgy Bugo ning syudad.
Kini ang gikompirmar ni Police Regional Office 10 Director Brig Gen Rolando Anduyan kabahin sa kahimtang sa pag-imbestigar sa kaso ni Sevilla.
Miingon si Anduyan nga nakasubmitar na kaniya ang Cagayan de Oro City Police Office sa report kabahi nsa kalamabuan sa imbestigasyon.
Hinoon,nagdumili ang heneral nga mismo siya ang mopangalan sa mga giingong nakasuhan apan gitugyan sa kapolisan dinhi sa dakbayan.
Samtang giangkon ni COCPO Director Col Henry Dampal nga nakakuha na siya’g testimonya gikan kang BoC deputy collector for assessement Arthur Sevilla Jr.
Kini human naka-estorya na ang biktima gikan sa pila ka adlaw nga pagkasulod sa ospital epekto sa mga igo sa iyang lawas gikan sa mga wala ilhing mga suspek nga mipusil kaniya.
Gibutyag ni Dampal nga kalabutan sa trabaho isip assessor ni Sevilla sa Mindanao Container Terminal ang usa sa mga gitutukan nila nga rason sa tuyo paghunos sa kinabuhi niini sa miaging Pebrero ning tuiga.
