CAGAYAN DE ORO CITY – Detinado ang driver sa elf truck nga naka-engkuwentro sa Toyota Vios nga gisakyan sa municipal councilor ug laing kabanay niini diha sa Zone 2,Brgy Agusan sa syudad.
Gibutyag ni Police Staff Master Sgt Arnel Calibho sa Puerto Police Station nga maoy nakalas sa dugu-ong aksidente sila si Simeon Clarabal,59 anyos ug Dalisay Clarabal nga pulos nagpuyo sa Brgy Lingion,Manolo Fortich,Bukidnon.
Miingon si Calibho nga samaron usab si Manolo Fortich Municipal Councilor Eliazar Unahon ug laing duha ka kauban tungod sa maong aksidente.
Nasuta sa pasiuna nga imbestigasyon nga mi-overtake ang auto hinungdan nga nasugat ang elf-truck.
Padulong dinhi sa sentro ang mga biktima kagabii samtang padalikyat usab sa este nga bahin sa syudad ang elf-truck ayha nahitabo ang aksidente.
Giimbestigaran pa sa mga otoridad ang panghitabo.
