CAGAYAN DE ORO CITY – Nadakpan sa hiniusang operasyon saa PNP Drug Enforcement Group o PDEG ubos sa koordinasyon sa Cogon Police Station 2 ang jeepney driver nga makatulo nang naaresto sa kapolisan tungod sa pagbaligya sa ilegal nga droga dinhi sa dakbayan.
Giila ni Cogon Police Station commander Capt Ernesto Sanchez ang suspek nga si Emmanuel Diaz,hingkod ang panuigon ug nagpuyo dinhi sa dakbayan.
Gibutyag ni Sanchez nga nakompiskar sa ginsakupan sa PDEG ang 155 ka gramos nga gitoohang shabu nga dunay estimated street value nga usa ka milyon ug 20-mil pesos.
Si Diaz mibulgar nga nakuha niya ang suplay sa ilegal nga droga mismo gikan sa giingong piniriso sulod sa Lumbia City Jail ning dakbayan.
Dili kini ang unang higayon nga nalakbitan ang city jail nga dunay giingong kalambigitan sa illegal drug activities apan makadaghan nang higayon nga nabulgar sa lain-laing mga dinakpan nga drug pushers ning syudad.
