CAGAYAN DE ORO CITY – Dili maglisod ang Police Regional Office 10 pagpasunod sa mga tawo sa pagpasul-ob sa facemask subay sa mando ni Pres Rodrigo Duterte aron batukan ang COVID-19 transmission sa rehiyon.
Kini ang inisyal nga assessment ni PRO 10 Director Brig Gen Rolando Anduyan subay sa iyang nakita sa katawhan dinhi sa syudad.
Gibutyag ni Andunya nga mas dali mapasunod ang katawhan sa rehiyon itandi sa mga tawo nga nakabase sa kauluhan.
Gitakdang manghatag sa libreng facemask ang PRO-10 gikan sa ilang mga donor sa oras nga hingpit nang ipatuman nila ang mando ni Pres Duterte.
Giangkon usab sa heneral nga may mga nadakpan na sila nga pipila ka nagsupak sa direktiba sa IATF,busa nagpasidaan kini nga mosunod ang katawhan aron dili magka-problema sa ilang pagpanginabuhi ning panahon sa pandemya.
