CAGAYAN DE ORO CITY – Gikompirmar ni Police Regional Office 10 Director Brig Gen Rolando Anduyan nga anaa sa sobra 300 ka organic members sa kapolisan sa rehiyon ang natakbuyan sa COVID-19.
Kini human nagsilbi usab nga frontliners ang puwersa sa PNP nga nakigbatok sa bayrus dinhi sa rehiyon.
Apan gibutyag ni Anduyan nga sa bisan sa maong ihap,walay bisan usa nga namatay nga pulis nga natakbuyan sa maong sakit.
Kasamtangang may mga naka-isolate ka mga pulis sulod sa Camp Alagar tungod sa bayrus.
Hisayang may usa ka sakop sa PNP Maritime nga namatay tungod sa COVID-19 apan wala kini maapil sa official count sa Camp Alagar kay dili man organic member sa PRO-10 kay naggikan sa kauluhan.
