CAGAYAN DE ORO CITY – Gipusil-patay ang usa ka barbero sa Nara St. Purok 2,Brgy Tablon ning syudad kagabii.Giila ang biktima nga si Mark Navales ,34 anyos, minyo ug molopyo sa maong lugar.
Gibutyag ni Police Capt. Sebastian Chua Jr, hepe sa Cugman Police Station nga pauli na ang biktima dihang gipusil kini sa wala mailang suspetsado.
Miingon si Chua nga may lead na sila sa hitabo apan padayon pa silang nangulekta sa mga konretong ebidensya.
Kini ang ikatulong kaso sa pagpamusil nga pulos nag-resulta sa kamatayon sa biktima nga natigayon sa magkalahing barangay dinhi sa syudad.
