CAGAYAN DE ORO CITY – Nagbaton na sa person of interests na ang kapolisan sa mipusil sa mag live-in partner sa Purok 3-A, Brgy. Poblacion, Valencia City, Bukidnon.
Gibutyag ni Bukidnon Provincial Police Office spokesperson Maj Jisselle Longgakit nga dili pa una nila isulti ang mga pangalan sa POIs ilabina nga padayon pa gipalawman ang imbestigasyon sa hitabo.
Matud ni Longgakit nga lakip sa ilang gitutukan kung adunay pagdumot ang mga responsable ngadto sa mga biktima nga gikamatay ni Pepe Paring,41 anyos ug gikaangol ni Marlyn Yaba 39 anyos nga pulos mga empleyado sa Bukidnon Sugar Milling Corporation sa Quezon,Bukidnon.
Una usab niini,gisalikway na sa PNP-Bukidnon nga hinimuan sa mga rebeldeng New People’s Army ang pag-ambush sa mga biktima sa miaging adlaw.
