CAGAYAN DE ORO CITY – Mitala na sa unang kaso sa pagkamatay sa pulis ang Cagayan de Oro City Police Office tungod sa pagpositibo sa COVID-19 dinhi sa syudad.
Miingon si City Director Col Henry Dampal nga ang namatay nila nga kauban ang naghambin nang daan sa balatian ayha natakdan sa bayrus sa miaging semana.
Gibutyag sa opisyal nga anaa sa 60 ka aktibong pulis sa COCPO ang nagka-bayrus apan siyam na lamang niini ang padayong ubos sa medikasyon.
Hisayrang sa datos usab gikan sa Police Regional Office 10,dili mominus sa 300 ka pulis na ang positibo sa bayrus ug dunay gikan sa Camp Crame nga maritime police officer ang namatay usab pipila ka adlaw nga nadestino dinhi sa dakbayan.
