CAGAYAN DE ORO CITY – Nakompiskar sa PNP ang halos 3 milyon pesos nga kantidad sa gitoohang shabu gikan sa nagkadaiyang bahin sa rehiyon sulod lamang sa halos duha ka semana nga operasyon.
Kini human imando ni Police Regional Office 10 regional director Brig Gen Rolando Anduyan ang ‘simultaneous anti-criminality law enforcement operation o SACLEO aron gukdon ang mga sindikato sa ilegal nga droga.
Miingon si PRO -10 spokesperson Lt Col Michelle Olaivar nga sagad sa mga nakompiskar nga droga ang mismo gikan dinhi sa syudad.
Hisayrang sulod sa 23 ka SACLEO operations,27 ka suspected pushers ang nadakpan sa kapolisan.
