CAGAYAN DE ORO CITY -Nakuhaan sa kapin 2-milyones pesos sa gitoohang shabu ang tulo ka drugista sa gipahigayon nga drug buy-bust operation sa Zone 11 Upper Carmen ning syudad.
Giila ang mga suspek nga silang Liezel Galagar, 34, Jomar Cartagena, 24 anyos ug Antonina Padalacas, 32-anyos.
Gibutyag ni PRO-10 spokesperson Lt. Col. Michelle Olaivar nga moabot sa 300 gramos ang shabu nga nakompiskar sa posisyon sa mga suspek diin gibanabanang may street value nga P2,040,000.
Namahayag si Olaivar nga moabot sa tulo ka bulan ang pagmonitor sa mga target ayha nahimo ang operasyon.
