CAGAYAN DE ORO CITY – Kasuhan sa kapolisan ang trailer truck driver nga nakaligis-patay sa ginang nga lulan sa motorsiklo sa Zone 5,Tin-ao,Brgy Agusan ning syudad.
Giila ni Police Executive Master Sgt Diosdado Bastismo,imbestigador sa Traffic Enforcement Unit sa COCPO nga si Anaria Ceniza,34 anyos,minyo ug residente sa Brgy Tablon ning syudad.
Gibutyag ni Bastismo nga nalatayan sa ligid ang lawas sa biktima hinungdan ubos sa ilang kustodiya ang suspek nga si Ronnie Braga.
Kargado sa softdrinks ang truck ni Braga gikan sa Villanueva aron ihatod unta sa sentrong bahin sa syudad dihang natigayon ang hitabo.
Samtang nangayo’g pasaylo ang trailer truck driver nga nakaligis-patay sa ginang nga nasangguyan niini samtang sakay sa motorsiklo diha sa Zone 5,Tin-ao,Brgy Agusan ning syudad.
Kini human wala mabantayi sa driver nga si Ronnie Braga nga nalatayan na diay sa iyang trak ang biktima hinungdan sa kamatayon niini.
Gani,boluntaryo nga mitahan sa Puerto Police Station si Braga aron atubangon ang posibleng kaso nga ipasaka sa pamilya sa biktima nga si AnaRIA Ceniza nga residente ra sa maong lugar.
