CAGAYAN DE ORO CITY – Gisikop sa kapolisan ang sekyu tungod sa iyang tatoo human gilungkaban ang iyang gibantayan nga J&T express diin malapumsong nadala ang vault nga may sulod kapin 300-mil cash sa Sounth Poblacion Maramag,Bukidnon.
Giila ang suspek nga si Albert Villarosa, 36-anyos, minyo ug molopyo sa Purok 7,Brgy Kalagutay Base Camp sa maong lungsod.
Sa pagrebyo sa CCTV sa maong establishemento, nakita ang suspek nga nagsul-ob sa facemask, camouflage lousy cap, ug itom nga raincoat.
Nakuha usab sa CCTV ang walang kamot sa suspek nga may patik.
Naka-kostudiya na ang suspek samtang padayong gipalawman ang imbestigasyon sa maong hitabo.
