CAGAYAN DE ORO CITY – Walay nakita nga foul play ang kapolisan sa kamatayon sa 38 anyos nga ulitawo gamit ang kuwerdas sa gitara sulod sa kuwarto sa ilang balay diha sa Burgos-Macahambus Streets, Brgy 15 ning syudad.
Giila ang biktima nga si Reynante Barbasya,38 anyos nga lumad taga-Zamboanga del Sur ug dental technician ning syudad.
Miingon si Lt Earl Cartajena,deputy commander sa Divisoria Police Station nga igo na lamang nakit-an nga nagbitay ang biktima luyo sa pultahan sa kuwarto niini.
Nagbutyag ang kabanay sa biktima nga mibati kini’ sobrang depresyon apan wala naklaro kon unsay nakapa-trigger niini.
