CAGAYAN DE ORO CITY – Patay ang driver human ma-atrasi sa kaugalingong trak diha sa Upper Puerto ning syudad.
Giila ni Puerto Police Station commander Maj Peter Tajor ang biktima nga si Rany Jay Cabañero,hingkod ang panuigon nga nagpuyo sa lungsod sa Opol,Misamis Oriental.
Gibutyag ni Tajor nga samtang naglingkod sa luyo nga bahin ang biktima,kalit kining naatrasan sa trak nga gimaneho sa iyang helper nga si Wendel Yana nga residente ra usab sa maong lungsod.
Gidala pa sa ospital ang biktima apan dead on arrival na tungod sa pagkaipit sa trak samtang ang suspek ang detinado usab sa mini-cell sa kapolisan.
