CAGAYAN DE ORO CITY – Nagtoo ang pamilya sa lalaki nga unang nakit-ang wala na’y kinabuhi nga naanod kini sa kusog nga baha hinungdang nalumos diha sa lungsod sa Tagoloan,Misamis Oriental.
Kini human unang nabangalan sa mangingisda ang patay’ng lawas sa biktima nga si Jonac Pasagdi,32 anyos nga taga-Brgy Lingi-on,Manolo Fortich,Bukidnon nga naglutaw-lutaw na lamang sa lalawigan.
Mismo si Jun Mark Pasagdi ang miila sa biktima kinsa unang nadala sa Everlasting Funeral Parlor sa maong lungsod.
Gisaysay ni Jun Mark nga mitabok sa suba ang ilang igsoon kay aron mobisita unta sa ilang gipanag-iya nga farm sa miaging semana.
