CAGAYAN DE ORO CITY – Gikasuhan na’g homicide si retired Police Executive Master Sergeant Amel Petallo kinsa nakapatay sa ex-army nga si Michael Socatre sa Zone 7 Canitoan ning syudad.
Gibutyag ni Bulua Police Station commander Maj Jerson Estanilla nga mismo ang igsoon ni Socatre nga aktibong sundalo maoy nangusog pagduso sa kaso.
Saysay ni Estanilla pabiling naka-kustudiya si Petallo sa ilang buhatan.
Samtang mi-sumbalik usab pagkaso si Petallo ngadto sa napatay’ng si ex-army Michael Socatre ug kauban niini nga gawasnon pa niining panahona.
Gibutyag ni Estanilla nga kini human miguwa sa inisyal nga imbestigasyon nga ang ex-army maoy miunag pagpusil apan walay swerte gumikan kay nabaslan kini sa retired police.
Pagpasabot ni Estanilla nga midepensa usab ang retired police nga self-defense ang gihimo niini.
