CAGAYAN DE ORO CITY – Mapasaka na sa SITG-Uy bisan unsang orasa ang kasong kriminal batok sa mga suspetsado nga mipusil-patay kang Carmen Brgy Kag Roland Sherwin ‘Tawee’ Uy sa piskalya ning syudad.
Kini kon gustuhon na sa task force aron masugdan na pagsusi sa piskalya sa gimbug-aton sa mga ebedensiya batok sa mga tawo nga maaksuhan sa maong kremin.
Apan gipasabot ni SITG-Uy spokesperson Maj Evan Viñas nga naniguro lamang sila nga dili usab mausik ang kahago sa SITG hinungdang wala nila dali-dali ang pagdangop niini sa city prosecutor’s office.
Gani,miingon si Viñas nga gusto pa usab nila nga masusi ang unod sa celphone ni Kag Tawee ingon man sa personal driver niini hinungdang nangayo sila’g tabang sa korte aron buksan sa kompanyang Smart ang linya sa duruha nunot sa imbestigasyon.
Hisayrang tanyag nga 12.3 milyon pesos ang ihatag sa pamilya,city govt ug business sector sa mga tawo nga makatudlo sa tinud-anay nga responsable sa kamatayon sa biktima ug caretaker niini sa Brgy Pagatpat ning syudad sa miaging 11 sa Nobyembre ning tuiga.
