CAGAYAN DE ORO CITY – Walay depekto sa pangisip apan nagpabuang-buang lamang ang usa ka suspek aron dili manubag sa kasong pagpatay sa 25 anyos nga taga-Cagayan de Oro nga nakit-ang patay sa Brgy Suarez,Iligan City.
Kini ang hinungdan nga gikasuhan sa murder ang suspek nga si Rommel Garces tungod sa kamatayon sa biktima nga si Rosemarie Jacot nga lumad taga-Camiguin apan may pinuy-anan diha sa Brgy Tablon ning syudad.
Gibutyag ni Iligan City Police Station 2 commander Maj Marvin Cahegas nga nagbaton sa daghang samad dinunggaban ang biktima hinungdang sa kamatayon niini.
Gihulatan usab ang resulta sa forensic examination kon gilugos ba sa suspek ang biktima kay nahubo na ang ubos nga bahin sa sapot sa dihang naabtan sa mga pulis sa miaging petsa 22 ning bulana.
