CAGAYAN DE ORO CITY –Walay foul play nga nakit-an ang kapolisan sa kamatayon sa retiradong sundalo nga nagsilbing security officer sa Phividec nga unang napalgan sulod sa massage spa sa J.R. Borja Street ning syudad.
Giila ni Police Master Sgt Nobert Ian Zafra sa Cogon Police Station ang biktim nga si retired Army Technical Sgt Gonzalo Padilla,hingkod ang edad nga nagpuyo sa Brgy 17,Butuan City.
Gibutyag ni Zafra nga mismo pa ang mga empleyado sa massage spa ang nanawag kanila kabahin sa nadiskobre nga wala na maglihok nga si Padilla.
Una nang gikan sa jogging ang biktima ug tungod sa pagpanakit sa likod niini,nakahukom nga magpa-masahe kagahapong adlawa.Sa pagkutlo usab ning balita,wala pa’y gilugwa nga pahayag ang trabahuan o opisina diin giingong nagserbisyo si Padilla.
