CAGAYAN DE ORO CITY – Gikasuha’g kriminal ang trailer truck driver nga si Roy Decio nga taga-Butuan City tungod sa kamatayon sa upat ka tawo nga sakay sa starex van sa national highway,Brgy Baliwagan,Balingasag,Misamis Oriental.
Kini human wala madala’g ammicable settlement sa agalon ni Decio nga si Carlos Tanjay nga taga-Manuligao, Carmen,Agusan del Norte ang mga pamilya sa namatyan hinungdang nasang-at ang kasong reckless imprudence resulting into multiple homicide sa piskalya.
Giila ni Balingasag Police Station commnader Maj Teodoro de Oro ang mga namatay nga sila Lucille Rosete Cardinales;Bertley Jerome Esperat nga pulos taga-Brgy Bulua ning syudad ug ang nakisakay lamang nga sila Erika Manangquil ug Estela Dalangin nga mga residente sa Medina ning lalawigan.
Nagtoo si De Oro nga pulos kusog ang dagan sa duruha sa opposite direction hinungdan grabe nga epekto niini kagahapon sa kadlawon.
Nasuta nga kargado sa mga kahoy’ng falcata ang trak gikan sa Caraga region aron unta isakay sa barko sa Mindanao Container Terminal padulong sa China.
